„დამნაშავეების ძებნისა და ურთიერთბრალდებების დრო არ არის“,-ამის შესახებ საერთაშორისო სავალუტო ფონდის მისიის  მუდმივმა წარმომადგენელმა საქართველოში აზიმ სადიკოვმა ლარის კურსის თემის კომენტირებისას  განაცხადა.

სადიკოვის თქმით, მთავრობამ და ეროვნულმა ბანკმა კოორდინირებულად უნდა იმუშაონ.

„დამნაშავეების ძებნის დრო არ არის, ეროვნულმა ბანკმა და მთავრობამ ერთად  უნდა იმუშაონ, რომ გაუმჯობესდეს ეს მდგომარეობა და ნახონ ის სისუსტეები, რაზეც ძირითადი მუშაობაა საჭირო“,-განაცხადა სადიკოვმა.

რაც შეეხება, პარლამენტში ლარის კურსთან დაკავშირებით სპეციალური საგამოძიებო კომისიის შექმნის ინიციატივას სადიკოვის განმარტებით, პარლამენტს აქვს უფლება იცოდეს ის მიზეზები და ფაქტორები თუ რატომ გაუფასურდა ლარი. 

„მთავრი ფაქტორი,  რამაც ლარის გაუფასურებაზე გავლენა მოახდინა ეს არის დოლარის გამყარება  და საგარეო შოკები.  ქვეყანაში, რომ არ ყოფილიყო მცურავი გაცვლითი კურსი ეს შოკი საქართველოს კიდევ უფრო ძვირად დაუჯდებოდა. ეს იმოქმედებდა ლარის მყიდველთუნარიანობაზე და რეალურ ეკონომიკაზე. გაიზრდებოდა იმპორტი და შემცირდებოდა ექსპორტრი. მცურავი  გავცლითი კურსის პირობებში ქვეყანა უფრო დაცულია“,-განაცხადა აზიმ სადიკოვმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სელფი მობაილის ქსელის განახლება: მომხმარებლის კმაყოფილების ზრდა

BOG ქმნის განათლების შესაძლებლობებს AI-ით და ტექნოლოგიებით დაინტერესებული გოგოებისთვის

იმოგზაურე გიორგი მოსიძესთან ერთად აზროვნების სამყაროში - ზუგდიდში შეხვედრა გაიმართება (რ)

თბილისში 30 წლის ქალის გაუპატიურების ბრალდებით, 38 წლის კაცი დააკავეს