პარლამენტის ვიცე-სპიკერის გია ვოლსკის განცხადებით, პრეზიდენტს აქვს უფლება, რომ მოტივირებული შენიშვნები წარმოადგინოს, თუმცა საპარლამენტო უმრავლესობას მოტივირებული პასუხების გაცემის უფლება აქვს.

დეპუტატმა აღნიშნა,  რომ ინსტიტუტებს შორის დაპირისპირება არ ხდება და პრეზიდენტის საპარლამენტო მდივან ანა დოლიძეს მოუწოდა, შესაბამისი შინაარსის განცხადება გააკეთოს.

"მედია სივრცე პრინციპში წალეკა იმ ინფორმაციამ, რომ ჩვენი ინსტიტუტი და პრეზიდენტის ინსტიტუტი უპირისპირდება ერთმანეთს,  მაგრამ სინამდვილეში საკითხებს სიღრმისეულად არავინ იცნობს. ვფიქრობ, რომ დემოკრატიული პროცესია. პრეზიდენტს რა თქმა უნდა ვალდებულება და უფლებაც აქვს, რომ მოტივირებული შენიშვნები წარმოადგინოს, მაგრამ ჩვენც გვაქვს მოტივირებული პასუხის გაცემის უფლება. ჩვენს საქმიან ურთიერთობაში არ უნდა შემოიპაროს ის ხინჯი, რომ ინსტიტუტებს შორის დაპირისპირებას აქვს ადგილი. ვფიქრობ, რომ ქალბატონმა ანა დოლიძემაც უნდა გააჟღეროს ეს ტრიბუნიდანაც", - განაცხადა ვოლსკიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი