საპარლამენტო უმრავლესობის ლიდერი არჩილ თალაკვაძე  თავდაცვის სამინისტროში განხორციელებულ ოპტიმიზაციასთან დაკავშირებით „ევროპული საქართველოს“ წევრის ირმა ნადირაშვილის განცხადებას გამოეხმაურა.

როგორც თალაკვაძემ აღნიშნა, სამინისტროში ოპტიმიზაცია ანალიზის შემდეგ ჩატარდა და ამის შედეგად უწყებამ 32 მილიონი  ლარი დაზოგა.

„ქალბატონ ირმას მინდა გამოვეხმაურო თავდაცვის სამინისტროსთან დაკავშირებულ საკითხზე. თხრობა კარგად გამოგდით, მაგრამ თქვენს მოთხრობებში არის არსებითი შეცდომები. ჯერ ეს ერთი , ოპტიმიზაციის შედეგად ვინც სამსახური დატოვა იყვნენ სამოქალაქო პირები და თუ გაინტერესებთ რაოდენობებსაც მოგაწვდით. ოპტიმიზაცია ჩატარდა ანალიზის შემდეგ.  იქ აღმოჩენილი იქნა მთელი რიგი დუბლირებული ფუნქციები, ხელოვნურად გაზრდილი შტატები, სამოქალაქო მფრინავები და  ბორტ-ტექნიკოსები, რომლებიც ყარაულში იყვნენ გაფორმებული. 32 მილიონი დაიზოგა ამ ოპტიმიზაციის შედეგად“,-განაცხადა თალაკვაძემ.

ცნობისთვის, ირმა  ნადირაშვილმა პარლამენტის პლენარულ სხდომაზე სიტყვით გამოსვლისას განაცხადა, რომ თავდაცვის სამინისტროდან ასობით თანამშრომელი და მათ შორის ოფიცრები გაათავისუფლეს. როგორც ნადირაშვილმა აღნიშნა, მათი ნაწილის გადამზადებისთვის სახელმწიფომ 10 ათასი ლარი გადაიხადა, „თუმცა ეს თანხები წყალში ჩაიყარა“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი