საპარლამენტო უმრავლესობის წევრი გია ვოლსკი რუსეთის ფედერაციის საოკუპაციო ძალების მიერ აფხაზეთში 19-ე საუკუნის ეკლესიისა და პოლონელთა სასაფლაოს დანგრევის  ფაქტს ეხმაურება.

ვოლსკის თქმით, ეს არა მხოლოდ ვანდალიზმი, სერიოზული სამხედრო პოლიტიკური აქტია, რომელიც მიუთითებს რუსეთის მიზნებზე, როდესაც ამ ტერიტორიის ოკუპაციას ახდენდა:

„ამის საშუალება მისცა სააკაშვილის ხელისუფლებამ, ამაზე აფრთხილებდა საერთაშორისო თანამეგობრობა და მიუთითებდა გარკვეულ გზებს, რათა არ დაშვებულიყო ასეთი ფაქტები, მაგრამ ეს გაფრთხილებები და საგზაო რუკა აბსოლუტურად იგნორირებული იქნა და დღეს ვართ ფაქტის წინაშე, როდესაც რუსეთი თავის სამხედრო პოლიტიკურ ყოფნას აძლიერებს სამხრეთ კავკასიაში, ვანდალიზმის გარდა ეს არის სერიოზული პოლიტიკური სამხედრო ნაბიჯი, რომელიც გათვლილია არა მარტო ადამიანის უფლებების დათრგუნვაზე, არამედ გაძლიერებაზე რეგიონალური სტრატეგიული პოზიციებისა”,-განაცხადა გია ვოლსკიმ.

ცნობისთვის, აფხაზეთში რუსმა სამხედროებმა მე-19 საუკუნის ეკლესია და პოლონელთა სასაფლაო გაანადგურეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის საგარეო: საქართველოს EU-ში გაწევრიანებით „არამეგობრული ქვეყნების“ სიაში მოხვდება

ზურაბიშვილი აბასთუმანის ცის დახურვაზე - დიქტატურა საქართველოში რუსულ მოდელსაც კი აჭარბებს

ტრამპმა განაცხადა, რომ ირანი დათანხმდა აშშ-სთვის გამდიდრებული ურანის გადაცემას

ევროპას დაახლოებით ექვსი კვირის საავიაციო საწვავის მარაგი აქვს დარჩენილი