რომმა 2024 წლის ოლიმპიადის მასპინძლობაზე უარი ოფიციალურად განაცხადა, - ამის შესახებ უცხოური მედია იუწყება.

მედია საშუალების ინფორმაციით, იტალიის ოლიმპიურმა კომიტეტმა საერთაშორისო ოლიმპიურ კომიტეტში შეტანილი განაცხადი უკვე გაიტანა.

ივნისში არჩეულმა რომის მერმა, ვირჯინია რაჯი ჯერ კიდევ წინასაარჩევნო კამპანიის დროს აცხადებდა, რომ დედაქალაქში ოლიმპიადის ჩატარების იდეას მხარს არ დაუჭერდა. 21 სექტემებერს კი მან განაცხადა, რომ რომი აღნიშნულ გეგმაზე უარს აცხადებს. მალე მისი გადაწყვეტილება საქალაქო საბჭოში იქნა რატიფიცირებული.

იტალიის ოლიმპიურმა კომიტეტმა აღნიშნული გადაწყვეტილება გააკრიტიკა და პირობა დადო, რომ რომში ოლიმპიადის ჩატარების უფლების მოსაპოვებლად იბრძოლებდა. ვირჯინია რაჯიმ თავისი პოზიცია იმით ახსნა, რომ რომს მრავალმილიარდიანი ვალი აქვს და საკუთარ თავს ოლიმპიადისთვის საჭირო ხარჯების განხორციელების უფლებას ვერ მისცემს. მერის თქმით, თანხა, რომელიც თამაშების ორგანიზებისთვის არის აუცილებელი, უმჯობესია უფრო მნიშვნელოვან მიზნებს, კერძოდ კი ქალაქის დასუფთავებას და კორუფციასთან ბრძოლას მოხმარდეს.

ცნობისთის, 2024 წლის ოლიმპიური და პარაოლიმპიური თამაშების მასპინძელი ქალაქი 2017 წლის 13 სექტემბერს ლიმაში გახდება ცნობილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა