თურქეთის პრეზიდენტ რეჯეპ ტაიპ ერდოღანისა და რუსეთის პრეზიდენტის ვლადიმერ პუტინის შეხვედრა ამ წუთებში მიმდინარეობს, - ამის შესახებ „რია-ნოვოსტი" იუწყება.

მედიის ინფორმაციით, შეხვედრა ორი ქვეყნის ლიდერებმა ხელის ჩამორთმევით დაიწყეს.

როგორც რუსეთის პრეზიდენტმა შეხვედრის დაწყებამდე განაცხადა, ერდოღანის ვიზიტი მიუთითებს ორი ხალხის სურვილზე, აღადგინონ ორმხრივი ურთიერთობა.

მისივე თქმით, ის ერთ-ერთი პირველი იყო, ვინც ერდოღანს სამხედრო გადატრიალების მცდელობის შემდეგ დაურეკა. პუტინის განმარტებით, რუსეთი ყოველთვის გამოდის „ყველანაირი არასაკონსტიტუციო ქმედებების“ წინააღმდეგ.

ცნობისთვის, შეხვედრა მას შემდეგ გახდა შესაძლებელი, რაც ერდოღანმა პუტინს წერილი გაუგზავნა.

შეხვედრას ასევე, რუსეთისა და თურქეთის საგარეო საქმეთა მინისტრები სერგეი ლავროვი და მევლუთ ჩავუშოღლუ ესწრებიან.

შეგახსენებთ, რომ ეს ერდოღანისა და პუტინის პირველი შეხვედრაა მას შემდეგ, რაც 2015 წლის ნოემბერში თურქულმა ავიაციამ რუსული თვითმფრინავი ჩამოაგდო. წინა შეხვედრა 2015 წლის 16 ნოემბერს ანტალიაში სამიტის ფარგლებში შედგა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი