დიდმა ბრიტანეთმა ევროკავშირის საბჭოს თავმჯდომარეობაზე უარი თქვა, - ამის შესახებ BBC პრემიერ-მინისტრ ტერეზა მეიზე დაყრდნობით იუწყება.

როგორც მედია საშუალება წერს, ბრიტანეთის პრემიერ-მინისტრსა და ევროკავშირის საბჭოს პრეზიდენტ დონალდ ტუსკს შორის სატელეფონო საუბარი შედგა.

ცნობისთვის, ევროკავშირის საბჭოს თავმჯდომარე სახელმწიფო ყოველ 6 თვეში წინასწარ დამტკიცებული გრაფიკის მიხედვით იცვლება.

დიდი ბრიტანეთი ევროკავშირის საბჭოს თავმჯდომარე ქვეყანა 2017 წლის მეორე ნახევრიდან უნდა გამხდარიყო. ტერეზა მეის თქმით, აღნიშნულ პერიოდში მისი მთავრობა დაკავებული იქნება ევროკავშირიდან დიდი ბრიტანეთის გასვლის შესახებ მოლაპარაკებებით.

19 ივლისს დიდი ბრიტანეთის მთავრობის იურისტმა ჯეისონ კოპელმა განაცხადა, რომ ლონდონი 2016 წლის ბოლომდე ლისაბონის ხელშეკრულების 50-ე მუხლს არ აამოქმედებს.

შეგახსენებთ, რომ 23 ივნისს დიდ ბრიტანეთში გამართული რეფერენდუმის შედეგად მოსახლეობის უმრავლესობას ევროკავშირიდან გასვლას დაუჭირა მხარის, რის შემდეგაც პრემიერ-მინისტრმა დევიდ ქემერონმა გადადგომის შესახებ განაცახდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო