ხეჩიკაშვილი: თუ კორცხელის ინციდენტში სპორტსმენების მონაწილეობა დადასტურდება, მათ მიმართ შესაბამისი ზომები გატარდება

2016-05-24 15:48:50, 988 ნახვა

კომენტარი

სპორტისა და ახალგაზრობის საქმეთა მინისტრის, ტარიელ ხეჩიკაშვილის განცხადებით, თუ კორცხელში მომხდარ დაპირპისრებაში სპორტსმენების მონაწილეობა დადასტურდა, მათ მიმართ შესაბამისი ზომები გატარდება.

„რომელი პროფესიის ადამიანმაც არ უნდა მიიღოს მსგავს ფაქტში მონაწილეობა, ეს მიუღებელია. მითუმეტეს მიუღებელია სპორტული საზოგადოებისთვის, რომ მასში მონაწილეობა მიიღოს მოქმედმა მწვრთნელმა, თუ სპორტსმენტმა. დაველოდოთ მოკვლევას. თუ დადასტურდა მსგავსი ფაქტები, შესაბამისი ფედერაციები მიიღებენ ადეკვატურ და სამართლიანი გადაწყვეტილებას. ჩვენ ამ პროცესს დავაკვირდებით. ის პერიოდი, როდესაც სპორტსმენებით მანიპულირებდნენ, უნდა დასრულდეს და წარსულს ჩაბარდეს. ჩვენ ვაშენებთ სამართლიან და სამართლებრივ სახელმწიფოს. რაც ყველაზე მთავარია, სპორტსმენები უნდა იყვნენ ორიენტირებული იმაზე, რომ ქვეყანას ემსახურონ პატიოსნად და საზოგადოება გამარჯვებებით გაახარონ “, - აღნიშნა ტარიელ ხეჩიკაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან