უკრაინის პრეზიდენტის, ვოლოდიმირ ზელენსკის განცხადებით, რუსეთის პრეზიდენტი, ვლადიმერ პუტინი, შესაძლოა, უახლოესი ხუთი წლის განმავლობაში ნატო-ს რომელიმე ქვეყანას დაესხას თავს ალიანსის გამოსაცდელად.

Sky News-თან ინტერვიუში, კითხვაზე, შესაძლოა, თუ არა რუსეთმა თავდასხმა რამდენიმე თვეში განახორციელოს, ზელენსკიმ უპასუხა, რომ „არ ფიქრობს, რომ პუტინი მზად არის“.

მისივე თქმით, ნატო-ს წევრების მიერ თავდაცვის ხარჯების მშპ-ს 5%-მდე 2035 წლისთვის გაზრდის გეგმები „ძალიან ნელია“.

„გვჯერა, რომ 2030 წლიდან პუტინს, შეიძლება, მნიშვნელოვნად დიდი შესაძლებლობები ჰქონდეს. დღეს უკრაინა აკავებს მას, მას არმიის გაწვრთნის დრო არ აქვს“, - აღნიშნა ზელენსკიმ.

მისი თქმით, რუსი ჯარისკაცები ბრძოლის ველზე ნადგურდებიან.

„ნებისმიერ შემთხვევაში, პუტინს სჭირდება პაუზა, სჭირდება სანქციების მოხსნა, სჭირდება გაწვრთნილი არმია. 10 წელი ძალიან დიდი დროა. მას, იმ დროისთვის, ახალი არმია ეყოლება მზად“, - აღნიშნა ზელენსკიმ.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი