რუსეთის თავდაცვის სამინისტროს ინფორმაციით, ქვეყნის საჰაერო თავდაცვის ძალებმა გასული ღამის განმავლობაში 9 სხვადასხვა რეგიონში 104 უკრაინული დრონი გაანადგურეს.

სამინისტროს ცნობით, უპილოტო საფრენი აპარატების თავდასხმა ძირითადად სამხრეთ და ცენტრალურ რეგიონებში განხორციელდა, მათ შორის ბელგოროდის, ვორონეჟის, კურსკის, როსტოვის, ბრიანსკის და სხვა ოლქებში.

რუსული მხარე აღნიშნავს, რომ დრონების უმეტესობა საჰაერო თავდაცვის სისტემებმა და ელექტრონული ბრძოლის საშუალებებმა გაანეიტრალეს, რის შედეგადაც მსხვერპლი და მნიშვნელოვანი ნგრევა არ ყოფილა.

უკრაინული მხარე ჯერჯერობით არ გამოხმაურებია აღნიშნულ განცხადებას. ბოლო პერიოდში უკრაინა აქტიურად იყენებს დრონებს რუსეთის ტერიტორიის სიღრმეში თავდასხმებისთვის, რაც კიევის სამხედრო სტრატეგიის ნაწილია.

შეგახსენებთ, რომ რუსეთ-უკრაინის ომი 2022 წლის თებერვალში დაიწყო და კონფლიქტი ამ დრომდე გრძელდება.

ავტორი: ექსპრესნიუსი,

სოციალური ქსელები

თბილისში 30 წლის ქალის გაუპატიურების ბრალდებით, 38 წლის კაცი დააკავეს

ქვემო ქართლის პოლიციამ ნარკოდანაშაულის ბრალდებით სამი პირი დააკავა

150 დევნილი ოჯახისთვის ბორჯომში თანამედროვე სტანდარტების საცხოვრებელი კორპუსი შენდება

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა