გოდერძი ჩოხელს 64 წელი შეუსრულდებოდა. სახელოვანი ქართველი მწერლისა და საზოგადო მოღვაწის მშობლიურ სოფელ ჩოხში მისი ხსოვნისადმი მიძღვნილი ღონისძიება გაიმართა. 

მცხეთა-მთიანეთის გუბერნატორმა შალვა კერესელიძემ გოდერძი ჩოხელის ხსოვნას პატივი მიაგო და ეს დღე  მწერლის ოჯახის წევრებთან, ახლობლებთან, მისი ნიჭისა და შემოქმედების თაყვანისმცემლებთან ერთად გაატარა.

შალვა კერესელიძის განცხადებით გოდერძი ჩოხელმა კუთვნილი დაფასება ცხოვრებაში ვერ მიიღო, მაგრამ ქართველი ერისთვის ის იყო, არის და იქნება ძალიან მნიშვნელოვანი ადამიანი, მწერალი და საზოგადო მოღვაწე.

„გოდერძი ჩოხელი ჩვენი ქვეყნის სიამაყეა. გოდერძი იყო ადამიანი, რომელსაც უყვარდა საკუთარი საქმე, საკუთარი ქვეყანა და ხალხი. სწორედ ხალხისთვის იქმნებოდა ის დიდი ნამუშევრები, რომლისთვისაც მან არაერთი ჯილდო, პრემია და რაც ყველაზე მნიშვნელოვანია, მკითხველის სიყვარული დაიმსახურა. დღეს, კიდევ ერთხელ გამოვხატავთ ჩვენს უდიდეს პატივისცემას და გოდერძის ოჯახთან და ახლობელ ადამიანებთან ერთად პატივს მივაგებთ მის ხსოვნას“ - განაცხადა მხარის გუბერნატორმა შეკრებილი საზოგადოების წინაშე სიტყვით გამოსვლისას.

ღონისძიების ფარგლებში გოდერძი ჩოხელის ცხოვრებისა და შემოქმედების ამსახველი ფოტოგამოფენა მოეწყო. 
კულტურისა და ხელოვნების სფეროს წარმომადგენლებმა ქართველი მწერლის, სცენარისტისა და კინორეჟისორის განვლილ გზაზე ისაუბრეს, მისი ცხოვრებიდან არაერთი მნიშვნელოვანი ეპიზოდი გაიხსენეს. 

ადგილობრივი და მოწვეული ანსამბლების მონაწილეობით გაიმართა კონცერტი, მოეწყო დოღი. ღონისძიებაზე მისულ ადამიანებს შესაძლებლობა ჰქონდათ ტრადიციული ქართული კერძები დაეგემოვნებინათ.

ღონისძიებას მხარის გუბერნატორთან ერთად დუშეთის, თიანეთისა და ყაზბეგის მაჟორიტარი დეპუტატი ზაქარია ქუცნაშვილი და ადგილობრივი ხელისუფლების წარმომადგენლები ესწრებოდნენ.

ავტორი: ,

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს