„ყველანი უნდა გავერთიანდეთ იმ ველურობის წინააღმდეგ, რასაც ჰქვია განსხვავებული ორიენტაციის მქონე ადამიანებზე ნადირობა“,-  ასე გამოეხმაურა საქართველოს იუსტიციის მინისტრი თეა წულუკიანი ტრანსგენდერზე თავდასხმის ფაქტს.

მისივე შეფასებით, ეს ადამიანები, ზუსტად ისეთივე მოქალაქეები არიან, როგორც ყველა დანარჩენი.

„ვფიქრობ, ყველანი უნდა გავერთიანდეთ იმ ველურობის წინააღმდეგ, რასაც ჰქვია განსხვავებული ორიენტაციის მქონე ადამიანებზე ძალადობა.  არ შემრცხვება და ვიტყვი, ნადირობა, იმიტომ , რომ ეს ადამიანები ზუსტად ისეთივე მოქალაქეები არიან, როგორც ყველა დანარჩენი“, - განაცხადა წულუკიანმა.

ცნობისთვის, ორთაჭალაში რამდენიმე დღის წინ 32 წლის მოქალაქეს ორმა პირმა მრავლობითი ჭრილობები მიაყენა და ფიზიკურად გაუსწორდა. დაზარალებულის მდგომარეობა მძიმეა. სამართალდამცველებმა თავდასხმაში ბრალდებული ერთი პირი დააკავეს.

გამოძიება განზრახ მკვლელობის მცდელობის ფაქტზე მიმდინარეობს (საქართველოს სსკ-ს 19-108-ე მუხლით).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება