საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე, აშშ-ის ევროპული სარდლობის მიწვევით, გერმანიის ფედერაციულ რესპუბლიკაში იმყოფებოდა.

ვიზიტის ფარგლებში გენერალმა ის ქართველი სამხედრო მოსამსახურეები მოინახულა, რომლებიც ავღანეთში, „მტკიცე მხარდაჭერის“ მისიაში მონაწილეობის მისაღებად ემზადებიან. გრაფენვიორის საწვრთნელ ბაზაზე გენერალური შტაბის უფროსი საქართველოს შეიარაღებული ძალების III ქვეითი ბრიგადის 32-ე მსუბუქი ქვეითი ბატალიონის საჩვენებელ სწავლებას დაესწრო, რომელიც ბატალიონის მომზადების დონის შეფასებას ისახავდა მიზნად. სწავლება პატრულირებას, მოსახლეობის უსაფრთხოების უზრუნველყოფასა და პირველადი სამედიცინო დახმარების აღმოჩენას ითვალისწინებდა. საერთაშორისო მისიისთვის ქართველი სამხედრო მოსამსახურეების მომზადებას ამერიკის შეერთებული შტატების საზღვაო ქვეითი ჯარების ინსტრუქტორთა ჯგუფი ხელმძღვანელობდა. გენერალ-მაიორი ვახტანგ კაპანაძე ქართული ქვედანაყოფის საცხოვრებელ პირობებსაც გაეცნო და სამხედრო მოსამსახურეებს გაესაუბრა.

32-ე მსუბუქი ქვეითი ბატალიონი ავღანეთში „მტკიცე მხარდაჭერის“ მისიის შესასრულებლად ოქტომბერში გაემგზავრება. 

ქვედანაყოფი V ქვეითი ბრიგადის 52-ე ბატალიონს ჩაანაცვლებს და ბაგრამის საავიაციო ბაზის უსაფრთხოების დაცვის ამოცანებს შეასრულებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი