2016-03-26 12:57:07, 1094 ნახვა
მსოფლიო
გერმანიის იუსტიციის მინისტრის თქმით, ტერორისტების მომდევნო სამიზნე შესაძლოა, გერმანია გახდეს
გერმანიის იუსტიციის მინისტრი ჰაიკო მაასი არ გამორიცხავს, რომ ბრიუსელის ტერაქტების შემდეგ ტერორისტების მომდევნო სამიზნე გერმანია გახდეს.
მინისტრის განცხადებას გერმანული გამოცემა Sueddeutsche ავრცელებს.
ჰაიკო მაასის თქმით, გერმანია ტერორისტების პოტენციური სამიზნეა. მან ასევე აღნიშნა, რომ გერმანიის უსაფრთხოების სამსახური ყველაფერს აკეთებს იმისათვის, რომ მსგავსი თავდასხმები აღკვეთოს და ქვეყნის მოქალაქეები დაიცვას.
აღსანიშნავია, რომ გერმანიაში ჩატარებული ანტიტერორისტული სპეცოპერაციის შედეგად, ბრიუსელის ტერაქტებში ეჭვმიტანილი ორი პირი დააკავეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
