დააწესეთ სანქციები ივანიშვილისა და მისი ახლო მოკავშირეების მიმართ - ამის შესახებ დიდი ბრიტანეთის პარლამენტის წევრი, ჯეიმს მაკკლირი აცხადებს. ბრიტანელი პარლამენტარი ეხმაურება მზია ამაღლობელის წერილს, რომელიც The Guardian-ში გამოქვეყნდა.

"მზია ამაღლობელის ციხიდან გამოგზავნილი ძლიერი წერილი ყველასთვის გამოფხიზლების ზარი უნდა იყოს. საქართველო ავტორიტარული რეჟიმის მარწუხებშია, რომელსაც მხარს უჭერს ოლიგარქი, რომელმაც ფული რუსეთში იშოვა.

დიდ ბრიტანეთს მნიშვნელოვანი როლი აქვს შესასრულებელი ქართული დემოკრატიის მხარდაჭერაში. ბოლო თვეების განმავლობაში ივანიშვილის მიერ მხარდაჭერილი ქართული ოცნების მთავრობამ ბევრი ოპოზიციური ხმა დააკავა შეთითხნილი ბრალდებებით. ეს ავტორიტარიზმის სახელმძღვანელოა.

დიდი ბრიტანეთი და ევროპა უკვე კონფლიქტში არიან რუსეთთან და ქართული დემოკრატიის მხარდაჭერა ამ ბრძოლის ნაწილია.

დააწესეთ სანქციები ივანიშვილისა და მისი ახლო მოკავშირეების მიმართ, მოითხოვეთ პოლიტიკოსებისა და ჟურნალისტების გათავისუფლება და მხარი დაუჭირეთ საქართველოს ევროკავშირში გაწევრიანების ოცნების ასრულებაში. დროა, დიდმა ბრიტანეთმა გადადგას ნაბიჯი." - წერს ბრიტანელი პარლამენტარი

ავტორი: ექსპრესნიუსი,

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს