თბილისის საქალაქო სასამართლოში აქციების დროს დაკავებული ანტონ ჩეჩინის მორიგი სასამართლო სხდომა გაიმართა. მოსამართლე ჯვებე ნაჭყებიამ ადვოკატის შუამდგომლობა დააკმაყოფილა და საქმეს დაურთო სახალხო დამცველის წარმომადგენლის შეფასება, სადაც წერია, რომ ჩეჩინზე პენიტენციური სამსახურის თანამშრომლებმა ფიზიკურად იძალადეს.

"სახალხო დამცველის წარმომადგენელმა ანტონ ჩეჩინი პენიტენციურ დაწესებულებაში მოინახულა და აღნიშნა, რომ 6 ივნისს პენიტენციური სამსახურის თანამშრომლების მხრიდან, ჩეჩინის მიმართ ადგილი ჰქონდა სიტყვიერ და ფიზიკურ შეურაცხყოფას.

ასევე, წარმოდგენილი ოქმით დასტურდება, რომ ანტონ ჩეჩინს ჩალურჯებების სახით ძალადობის კვალი აღენიშნებოდა, რის გამოც ის ძლიერ ფიზიკურ ტკივილს განიცდიდა". - თქვა ჩეჩინის ადვოკატმა, გიორგი ჩხეიძემ სასამართლო სხდომაზე.

დღევანდელ სხდომაზე ჩეჩინის ადვოკატმა აღკვეთის ღონისძიების სახით შეფარდებული პატიმრობის გირაოთი შეცვლაც მოითხოვა, რაც მოსამართლემ არ დააკმაყოფილა. 

ადვოკატის თქმით, მოსამართლემ ამის მიზეზად ის დაასახელა, რომ ასეთ ქმედებებს პერიოდული ხასიათი არ აქვს და ის, შესაძლოა, ერთჯერადი ყოფილიყო. 

ანტონ ჩეჩინი 2024 წლის 3 დეკემბერს სახლთან დააკავეს. მას დიდი ოდენობით ნარკოტიკული საშუალებების შეძენა-შენახვას ედავებიან, რაც 20 წლამდე ან უვადო პატიმრობას ითვალისწინებს. ჩეჩინი ბრალს არ აღიარებს.

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება