ბრიუსელში ანტიტერორისტული სპეცოპერაციის დროს 4 სამართალდამცველი დაჭრეს, ერთ-ერთი ეჭვმიტანილი დაიღუპა, კიდევ ორი კი გაიქცა, ამის შესახებ ინფორმაციას სააგენტო Reuters ბრუსელის პროკურატურაზე დაყრდნობით ავრცელებს.

სპეცოპერაცია ბრიუსელის ერთ-ერთ გარეუბანში, დედაქალაქის სამხრეთ ნაწილში ქალაქ ფორეში ჩატარდა. იგი გასულ წელს პარიზში განხორციელებული ტერაქტთან კავშირში მყოფი პირების დაავების მიზნით ჩატარდა და მასში მონაწილეობა საფრანგეთის პოლიციამაც მიიღო. 

როგორც სააგენტო ბრუსელის პროკურატურაზე დაყრდნობით იტყობინება, სპეცოპერაციის დროს რამდენიმე ადამიანმა პოლიციელების დაცხრილვა დაიწყო. ერთ-ერთი ეჭვმიტანილის ვინაობა, რომელიც გარდაცვლილია, ამჟამად დგინდება. 

შეგახსენებთ, რომ გასულ წელს განხორციელებულ ტერაქტს 130 ადამიანის სიცოცხლე შეეწირა. პასუხისმგებლობა ტერაქტზე "ისლამურმა სახელმწიფომ" აიღო. მას შემდეგ არაერთი ოპერაცია ჩატარდა, მხოლოდ ბელგიაში 11 ადამიანი დააკავეს. ევროპის არაერთ ქვეყანაში კი უსაფრთხოების ზომები გაამკაცრეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ჩვენ მისგან შორს უნდა დავიჭიროთ თავი“ - ევროპულმა ულტრამემარჯვენეებმა ტრამპს ზურგი აქციეს

იმოგზაურე გიორგი მოსიძესთან ერთად აზროვნების სამყაროში - ფოთში, გიორგი მოსიძესთან შეხვედრა გაიმართება

კობახიძე - ამჟამინდელ ევროკავშირს სერიოზული გამოწვევები აქვს

კობახიძე - საქართველოს, ევროპის მასშტაბით, ეკონომიკური ზრდის ყველაზე მაღალი ტემპი აქვს