უკრაინის შეიარაღებული ძალების გენერალური შტაბის ინფორმაციით, 31 იანვარს უკრაინის არმიის სარაკეტო ძალებმა და არტილერიის ქვედანაყოფებმა კურსკის ოლქის ქალაქ რილსკში რუსეთის შეიარაღებული ძალების ერთ-ერთ სამეთაურო პუნქტზე იერიში მიიტანეს.

გენშტაბის განცხადებით, მაღალი სიზუსტითა და კოორდინირებული თავდასხმის შედეგად, მტრის სამეთაურო პუნქტი განადგურდა. ეს ოპერაცია რუსეთის სამეთაურო პუნქტების განადგურების, საომარი ქმედებებისა და ლოჯისტიკის ეფექტიანი კოორდინირების საშუალებების წართმევის სისტემური სამუშაოს ნაწილია.

გენშტაბის განცხადებით, მტრის სამეთაურო პუნქტების განადგურება გაგრძელდება რუსეთის მხრიდან უკრაინის წინააღმდეგ აგრესიის შეწყვეტამდე.

აღსანიშნავია, რომ კურსკის ოლქში უკრაინის არმიის იერიშები მანამდეც განხორციელდა. 5 იანვარს უკრაინის შეიარაღებულმა ძალებმა კურსკის ოლქის სოფლებს ბერდინსა და ველიკე სოლდატსკეს შეუტიეს, რასაც რუსი და უკრაინელი ბლოგერებიც ადასტურებენ.  

ამასთან, უკრაინის შეიარაღებული ძალების გენერალური შტაბის ცნობით, 31 იანვარს სარაკეტო ძალებმა და არტილერიამ კურსკის ოლქის რილსკში მტრის სამეთაურო პუნქტზე იერიში მიიტანეს, რაც მტრის სამეთაურო სტრუქტურების განადგურებისკენ მიმართულ სისტემურ სამუშაოს წარმოადგენს.  

ავტორი: ექსპრესნიუსი,

სოციალური ქსელები

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ