უკრაინის თავდაცვის მინისტრი ძალაუფლების ბოროტად გამოყენებაშია ეჭვმიტანილი.

როგორც უკრაინის ეროვნულ ანტიკორუფციულ ბიუროში აცხადებენ, რუსტემ უმეროვის მიმართ სისხლის სამართლის საქმე „კორუფციასთან ბრძოლის ცენტრის“ განცხადების საფუძველზე აღძრეს.

უმეროვი ეჭვმიტანილია ძალაუფლების ან სამსახურებრივი მდგომარეობის ბოროტად გამოყენებაში. ეს მუხლი ითვალისწინებს თავისუფლების აღკვეთას სამიდან ექვს წლამდე ვადით.

ცნობილია, რომ უკრაინის თავდაცვის მინისტრმა უკანონოდ თქვა უარი, გეგრძელებინა შრომითი ხელშეკრულება თავდაცვითი შესყიდვების სააგენტოს დირექტორ მარინა ბეზრუკოვასთვის, რომელსაც უმეროვი არმიის მომარაგების პრობლემებში სდებდა ბრალს.

უმეროვმა ასევე გაათავისუფლა თანამდებობიდან სამეთვალყურეო საბჭოს ორი წევრი, რომლებმაც ბეზრუკოვასთვის შრომითი ხელშეკრულების გაგრძელებას დაუჭირეს მხარი.

თავდაცვითი შესყიდვების სააგენტოებში სამეთვალყურეო საბჭოები ნატოს რეკომენდაციით შექმნეს, რათა ეს სტრუქტურები გარე ზეწოლისგან დაეცვათ.

მანამდე, უკრაინის თავდაცვის მინისტრს გადადგომისკენ მოუწოდა უმაღლესი რადის დეპუტატმა, ანასტასია რადინამ. მისი შეფასებით, უმეროვი „ანადგურებს უკრაინელების ნდობას თავდაცვის უწყების მიმართ“.

ცნობისთვის, დეკემბრის დასაწყისში უმაღლესმა რადამ მხარი დაუჭირა უმეროვის საკანონმდებლო ორგანოში გამოძახებას, რაც უკავშირდებოდა უკრაინელი სამხედროების მიერ „უკრობორნპორომის“ მიერ წარმოებული უხარისხო ნაღმების მიღების შესახებ ბრალდებებს.

რუსტამ უმეროვი უკრაინის თავდაცვის მინისტრის თანამდებობას 2023 წლის სექტემბრიდან იკავებს. მან ამ თანამდებობაზე შეცვალა ალექსეი რეზნიკოვი, რომლის გადადგომის ერთ-ერთ მიზეზად არმიისთვის სახელმწიფო შესყიდვებთან დაკავშირებული კორუფციული სკანდალები დასახელდა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი