ივანიშვილი: ნახეთ, როგორ ოსტატურად ავერიდეთ ამდენ უბედურებას, რაც რეგიონში და მის გარეთაა

2016-09-22 13:14:15, 1352 ნახვა

კომენტარი

საქართველოს ყოფილი პრემიერ-მინისტრის ბიძინა ივანიშვილის განცხადებით, კავკასიის რეგიონში და რეგიონს გარეთაც პრობლემებია და ეს საქართველოზეც აისახება.

თუმცა, როგორც ივანიშვილმა GDS-ის ახალ სატელევიზო გადაცემაში განაცხადა, საქართველომ მაინც მოახერხა და ბევრ უბედურებას თავი აარიდა:

"ჩვენზე უარესადაც ბევრი ცხოვრობს დღეს. ნახეთ რეგიონში რაამბავია, რამდენი კონფლიქტია, როგორ ოსტატურად ავერიდეთ ამდენ უბედურებას, რაც ტრიალებს რეგიონში და რეგიონს გარეთ. ჩვენთან ახლოს. ის, რომ ეკონომიკურად ვერ მოხერხდა და ვერც მოხერხდებოდა თეორიულადაც კი, რომ მოსახლეობას პირობები გაუმჯობესებოდა, ეს თავშივე გასაგები იყო. უჭირთ ანალიზის გაკეთება. ვინაა დამნაშავე? რა თქმა უნდა, მთავრობა და მთავრობის დედა, მოდის ასე",-განაცხადა ბიძინა ივანიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან