იური ვაზაგაშვილის ცხედარს ექსპერტიზა უტარდება

2015-01-21 11:02:44, 650 ნახვა

სამართალი

გარდაცვალების მიზეზის დასადგენად, იური ვაზაგაშვილის ცხედარს ექსპერტიზა უტარდება.

როგორც დამოუკიდბელმა ექსპერტმა ზაზა ალთუნაშვილმა მთავარ პროკურატურასთან ჟურნალისტებს განუცხადა, წინასწარი ექსპერტიზის დასკვნა მკვლელობაზე მიუთითებს.

"გარდაცვლილი გადასვენებულია პროზექტურაში. გარდაცვალების მიზეზის დასადგენად თავისთავად მიმდინარეობს სასამართლო-სამედიცინო ექსპერტიზა. დღესდღეობით, გამოკვეთილი ბოლომდე არ არის სურათი, მაგრამ წინასწარი კვლევის შედეგებზე შეიძლება რაღაც წარმოდგენა გვქონდეს",-აღნიშნა ზაზა ალთუნაშვილმა.

მთავარ პროკურატურაში ოჯახის ადვოკატი და დამოუკიდებელი ექსპერტი ვაზაგაშვილის კუთვნილი მანქანის დალუქვის პროცესს ესწრებიან.

შეგახსენებთ, გუშინ იური ვაზაგაშვილი მისი შვილის საფლავზე აფეთქდა. ის ადგილზე გარდაიცვალა. გარდაცვლილის ცხედარს ამწუთებში ექსპერტიზა უტარდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან