საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე სომეხ კოლეგას შეხვდა.

თავდაცვის სამინისტროს ინფორმაციით, საქართველოს შეიარაღებული ძალების გენერალური შტაბის სამწყობრო მოედანზე ოფიციალური დახვედრის ცერემონიალი გაიმართა. სომხეთის რესპუბლიკის დელეგაციას შეიარაღებული ძალების გენერალური შტაბის უფროსი გენერალ-პოლკოვნიკი იური ხაჩატუროვი ხელმძღვანელობს.

შეხვედრაზე მხარეებმა სამხედრო განათლების კუთხით თანამშრომლობის გაღრმავებისა და გამოცდილების გაზიარების საკითხები განიხილეს. საუბარი შეეხო დაჭრილი სამხედრო მოსამსახურეების რეაბილიტაციის საკითხსაც.

შეხვედრას საქართველოს შეიარაღებული ძალების J-3 ოპერატიული დაგეგმვის დეპარტამენტის უფროსი, გენერალი გიორგი სურმავა, ასევე, სომხეთის შეიარაღებული ძალების უფროსის მოადგილე, გენერალ-ლეიტენანტი სტეფან გალსტიანი და სხვა სამხედრო მაღალჩინოსნები დაესწრნენ. 

დღესვე, სომხური დელეგაციის წევრები მუხათგვერდის ძმათა სასაფლაოზე იმყოფებოდნენ. სტუმრებმა პატივი მიაგეს საქართველოს ტერიტორიული მთლიანობისათვის დაღუპული სამხედრო მოსამსახურეების ხსოვნას და მათი საფლავები გვირგვინებით შეამკეს.

გენერალ-პოლკოვნიკი ხაჩატუროვი საქართველოში ნატოს სტრატეგიული სამხედრო პარტნიორობის კონფერენციის ფარგლებში იმყოფება.

ვიზიტის ფარგლებში, სომხური დელეგაციის წევრები საქართველოს პრეზიდენტს, გიორგი მარგველაშვილსა და პრემიერ-მინისტრს, ირაკლი ღარიბაშვილს შეხვდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროდუქტების ჩამონათვალი რომელიც პატიმრების ახლობლებს შეუძლიათ ციხეებში სააღდგომოდ შეიტანონ

Global Finance-მა საქართველოს ბანკი საუკეთესო ბანკად დაასახელა საქართველოში

დააკავეს არასრულწლოვანი, რომელმაც 32 წლის კაცს დანით მრავლობით ჭრილობები მიაყენა და ადგილიდან მიიმალა

საიტზე გამოქვეყნებული ჯარში გაწვევის უწყება ჩაბარებულად ჩაითვლება - უცხოეთში მყოფი წვევამდელი ვალდებული იქნება დაბრუნდეს