თბილისის სახელმწიფო უნივერსიტეტის პირველ კორპუსში სტუდენტებისა და პრემიერმინისტრის შეხვედრა დასრულდა. 

როგორც გიორგი  კვირიკაშვილმა შეხვედრის დასრულების შემდეგ ჟურნალისტებს განუცხადა, "შეთანხმდნენ, რომ  სტუდენტური თვითმმართველობა იმ მახინჯი სახით, რომლითაც არსებობდა,  არ უნდ არსებობდეს". აღნიშნულ საკითხზე მომდევნო კვირაში პრემიერსა და სტუდენტებს შორის მორიგი შეხვედრაც დაიგეგმა.

"ძალიან საინტერესო შეხვედრა გვქონდა, სტუდენტების მოთხოვნების უდიდესი ნაწილი არის ნამდვილად გულით ნაკარნახევი, ძალიან საჭირო მოთხოვნები, მე ყურადღებით მოვისმინე, დიდი ხნის განმავლობაში ვისაუბრეთ. შევთანხმდით, რომ სტუდენტური თვითმმართველობა იმ მახინჯი სახით, რომლითაც არსებობდა, არ უნდა არსებობდეს. კონკრეტულ ფორმებზე, თუ რა სახით იქნება კიდევ ერთად შევთანხმდებით. შევთანხმდით, რომ შეიქმნება მათი მხრიდან სამუშაო ჯგუფი, რომელთან ერთადაც ჩვენ ვიმუშავებთ და მე პირადად ჩავერთვები განათლების კანონის შემუშავებაში. შემდეგი კვირის მეორე ნახევარში დავთქვით შემდეგი შეხვედრა, სადაც უკვე სამუშაო ატმოსფეროში გვექნება საუბარი დაფინასნების  პრინციპებზე, განათლების სისტემის კრიტერიუმებზე სტრუქტურაზე და ა.შ. ასევე, თვითონ უნივერსიტეტებში მმართველობითი ორგანოების სტრუქტურებზე და ყველაფერ ასეთ მტკივნეულ საკითხზე ერთად მოვილაპარაკებთ. ზოგი რაღაცა შეიძლება მათ გაიგონონ ჩვენი, ზოგს ჩვენ მოვუსმენთ და გავიგონებთ",-განაცხადა გიორგი კვირიკაშვილმა.

პრემიერი აღნიშნულ საკითხებთან დაკავშირებით, უნივერსიტეტის რექტორის მოვალეობის შემსრულებელ  ვლადიმერ პაპავასაც ესაუბრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ