სამოქალაქო აქტივისტი ნიკა ნარსია აცხადებს, რომ დილის რვა საათზე მასთან სახლში პოლიციელები მივიდნენ და გზის გადაკეტვისთვის 5000 ლარით დააჯარიმეს. იქვე გადასცეს ადმინისტრაციული სამართალდარღვევის ოქმიც.

დილის 8:00 საათზე ისმის კარებზე ძლიერი ბრახუნი, გამეღვიძა, მე მეუღლე და 8 თვის შვილი ტასო ვცხოვრობთ წეროვანში საიდანაც ყოველ დღე დავდივარ აქციებზე.

გავაღე უცებ კარები მეთქი ჩემი ძაღლი ხომ არ გადახტა გარეთ ეზოდან, "კანე კორსო", ვინმე ხომ არ შეაშინა, არავის ერჩის, დიდია, უბრალოდ საშიშად გამოიყურება და ზოგჯერ იპარება.

გავაღე კარი და სამი პოლიციელი, რამოდენიმე იქეთ პერიმეტრს აკონტროლებს, ძილბურანში ვალაგებ ვარიანტებს, ჩხრეკაა, ავყავარ, აუ ისევ იმ "ნარებზე" რა დაწვება ციხეში გვერდები რომ მქონდა გაბრტყელებული, რამდენი წელი ვერ ვნახავ ცოლ-შვილს და უცებ გააძრეს ოქმი: ბატონო ნიკოლოზ, 5 000 ლარით ხართ დაჯარიმებული და რომ ჩაიბარეთ, დავაფიქსიროთ და 10 დღე გაქვთ გასაჩივრებისთვისო.

ორი საქმეზე 27-ში მაქვს სასამართლო იგივე გზის გადაკეტვაზე კიდევ.

აი, სირაძის მიმართვა აღასრულა შსს-მ და აწი სასამართლოსაც აღარ შეაწუხებენ, თვითონ შსს გაგვასამართლებს და ამ საკითხშიც პირველობას ხომ არ ჩამომართმევდნენ, გახსნეს სეზონი შსს გვიჭერს, ბრალს გვდებს და "გვასამართლებს" კიდეც, რამდენი სერვისი აქვთ ხედავთ? ვახ! უცებ ფილმ მონანიებაში მეგონა თავი, კარებზე ბრახუნი უბედურებას რომ ნიშნავს, ვნახოთ, ხვალ, ზეგ რაზე დააბრახუნებენ, ის კი იციან, რომ ციხიდან უფრო ამაყი გამოვედი და გამოვალ.

დღეს უფრო მეტნი უნდა ვიყოთ რუსთაველზე, - წერს ნარსია.

ავტორი: ექსპრესნიუსი,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება