საქართველოში კორონავირუსის 3 ახალი შემთხვევიდან, 2 იმპორტირებულია, 1-ის წყაროს მოძიება გრძელდება, - ამის შესახებ ინფექციური საავადმყოფოს სამედიცინო დირექტორმა, მარინა ეზუგბაიამ ჟურნალისტებს განუცხადა.

„3 ახალი დადასტურებული პაციენტიდან, 2 არის შემოტანილი შემთხვევა, მათ შორის, ერთ-ერთი არის სატვირთო ავტომანქანის მძღოლი, ერთ შემთხვევაზე კი გრძელდება ეპიდკვლევა კონტაქტებს მოძიების მიმართებაში", - განაცხადა მარინა ეზუგბაიამ.

მანვე დასძინა, რომ თბილისის ინფექციურ საავადმყოფოში, ამ ეტაზე, 37 კოვიდინფიცირებული პაციენტი მკურნალობს, რომელთა ჯანმრთელობის მდგომარეობა სტაბილურია.

„თბილისის ინფექციურ საავადმყოფოში ახალი დადასტურებული შემთხვევა არ შემოსულა, არც გამოჯანმრთელებულები გვყოლია. გვყავს 37 დადასტურებული შემთხვევა, აქედან ყველას მდგომარეობა სტაბილურია, ისინი განიხილებიან, როგორც საშუალო სიმძიმის და ასევე, საშუალოზე მსუბუქი პაციენტები“, - დასძინა ეზუგბაიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა