ნიუ ჰოსპიტალსი პირველი ქართული კლინიკაა, რომელმაც ყაზახეთში გამართულ ჯანდაცვის საერთაშორისო გამოფენა KIHE 2015-ში მიიღო მონაწილეობა. ეს ღონისძიება ტრადიციულია და შუა აზიაში ჯანდაცვის ყველაზე დიდ ფორუმად ითვლება. მისი დიდი ნაწილი საერთაშორისო სამედიცინო ტურიზმს ეძღვნება.

ნიუ ჰოსპიტალსმა შუა აზიის  ქვეყნების მთავრობებისა და კერძო კომპანიების უდიდესი ინტერესი გამოიწვია. ნიუ  ჰოსპიტალსის სტენდს პირადად ეწვია ყაზახეთის რესპუბლიკის ჯანდაცვის მინისტრი, რომელმაც მომავალი თანამშრომლობის სურვილი გამოთქვა.

„მოხარული ვართ, რომ ამ გამოფენაზე მიგვიწვიეს. ბოლო პერიოდის განმავლობაში მკვეთრად გაიზარდა ნიუ ჰოსპიტალსში შუა აზიიდან პაციენტების ნაკადი. ჩვენი უახლესი სამედიცინო ტექნოლოგიები და მაღალკვალიფიციური ექიმები ძალიან პოპულარულები არიან ამ რეგიონში და ამიტომ ინტერესიც შესაბამისად დიდია. სამედიცინო ტურიზმის მხრივ ნიუ ჰოსპიტალსი ერთ-ერთი მოწინავეა და გამოფენაზე ასეთი დიდი ინტერესიც სწორედ ამის გამოა,“ - აცხადებენ ნიუ ჰოსპიტალსში.

ნიუ ჰოსპიტალსი PSP ჯგუფის შვილობილი კომპანიაა და 700-მდე თანამშრომლითდა 150 საწოლიანი სტაციონარით ამიერკავკასიაში ერთ-ერთ ყველაზე მაღალტექნოლოგიურ სამედიცინო დაწესებულებად ითვლება, რომლის პაციენტებიც არამარტო საქართველოს მოქალაქეები, არამედ სომხეთის, აზერბაიჯანის,  რუსეთისა და ცენტრალური აზიის ქვეყნების მოქალაქეებიც არიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო