პრემიერ–მინისტრის მოვალეობის შემსრულებელმა ირაკლი ღრიბაშვილმა თავდაცვის მინისტრად თინა ხიდაშელი დაასახელა.

როგორც ღარიბაშვილმა მთავრობის ადმინისტრაციაში განაცხადა, ხიდაშელი ევროპის მასშტაბით ნიდერლანდების, გერმანიის, ნორვეგიის, შვედეთის და ალბანეთის შემდეგ იქნება მეხუთე, საქართველოში პირველი ქალი თავდაცვის მინისტრი.

მისივე თქმით, თინა ხიდაშელს ჯარისკაცთან უფლებების დაცვის მიმართულებით აქვს ნამუშევარი.

„ჩვენ ვართ კოალიციური მთავრობა და მე ბუნებრივია მქონდა კონსულტაციები კოალიციაში და  მივიღე გადაწყვეტილება, კოალიციასთან შეთანხმებით, რომ მოხდეს კიდევ ერთი ცვლილება მთავრობაში. თავდაცვის მინისტრის პოსტზე წარმოგიდგენთ თინა ხიდაშელს, რომელსაც ყველა თქვენგანი ძალიან კარგად იცნობს. იგი გახლავთ პარლამენტის „ევროპასთან ინტეგრაციის კომიტეტის“ თავმჯდომარე, დღეიდან კი ის ევროპის მასშტაბით ნიდერლანდების, გერმანიის, ნორვეგიის, შვედეთის და ალბანეთის შემდეგ იქნება მეხუთე, საქართველოში პირველი ქალი თავდაცვის მინისტრი. იგი მთელი ცხოვრების განმავლობაში არის საჯარო პოლიტიკაში.   ნამუშევარი აქვს ჯარისკაცთან უფლებების დაცვის მიმართულებით, ასევე უნდა აღვნიშნოთ მისი საქმიანობა საქართველოს ევროატლანტიკური ინტეგრაციის მიმართულებით, რასაც დარწმუნებული ვარ, რომ ძალიან ნაყოფიერად გააგრძელებს“, – აღნიშნა ღარიბაშვილმა.

ცნობისთვის, თინა ხიდაშელი მინდია ჯანელიძეს შეცვლის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება