2015-04-27 13:02:28, 605 ნახვა
საზოგადოება
თბილისში წყლის ტარიფთან დაკავშირებით სემეკ-ის გადაწყვეტილება 21 მაისამდე გახდება ცნობილი
თბილისში წყლის ტარიფის გადახედვასთან დაკავშირებით ენერგეტიკისა და წყალმომარაგების მარეგულირებელი ეროვნული კომისიის გადაწყვეტილება 21 მაისამდე გახდება ცნობილი.
სემეკმა ტარიფების გადახედვასთან დაკავშირებით კომპანია ,,ჯორჯიან უოთერ ენდ ფაუერის" მიმართვის საფუძველზე საჯარო ადმინისტრაციული წარმოება 15 იანვარს დაიწყო.
სემეკში აცხადებენ, რომ შესაბამისი დეპარტამენტი აღნიშნულ საკითხზე მუშაობს და გადაწყვეტილების პროექტს საჯარო სხდომაზე გაიტანენ, სადაც მისი განხილვა მოხდება.
კომპანია ,,ჯორჯიან უოთერ ენდ ფაუერში" წყლის ტარიფის გადახედვის საკითხთან დაკავშირებით ამ ეტაპზე კომენტარს არ აკეთებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
