პრემიერ-მინისტრის სპეციალური  წარმომადგენლის რუსეთთან ურთიერთობის საკითხებში  ზურაბ აბაშიძის შეფასებით, მიუხედავად საქართველოსა და ბელარუსის განსხვავებული პოზიციებისა, ქვეყნებს შორის წარმატებული თანამშრომლობის ხელისშემშლელი ფაქტორები  არ არსებობს.

ამის შესახებ აბაშიძემ ჟურნალისტებს მთავრობის ადმინისტრაციაში განუცხადა.

ამასთან, მისივე თქმით, მიუხედავად იმისა, რომ რუსეთ-საქართველოს შორის გარკვეული პოლიტიკური სირთულეებია, სავაჭრო ეკონომიკური-ურთიერთობის თვალსაზრისით სამართლებრივი სირთულეები არ არსებობს.

„ის, რომ ჩვენ ევროკავშირთან  ასოცირებული ხელშეკრულება გვაქვს გაფორმებული ბელარუსს კი სხვა პრიორიტეტები აქვს არჩეული ეს ხელს არ უშლის, რომ ჩვენ ძალიან წარმატებული თანამშრომლობა გვქონდეს. ამის მაგალითებიც გვაქვს ჩვენ.  სხვა ქვეყნებთანაც  ვთანამშრომლობთ, როგორიც  არის სომხეთი.  რუსეთთან ჩვენ სავაჭრო ეკონომიკური თვალსაზრისით რაიმე სამართლებრივ სირთულეებს ვერ ვხედავთ, მათთან სხვა სირთულეებია, რომელიც პოლიტიკასთან არის დაკავშირებული“,-განაცხადა ზურაბ აბაშიძემ.

მან ბელარუსის პრეზიდენტის ალექსანდრ  ლუკაშენკოს საქართველოში  ვიზიტი შეაფასა და აღნიშნა, რომ ქვეყნისთვის უკეთესი იქნება რაც მეტი მეგობარი, მხარდამჭერი ეყოლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო