2017-07-15 13:01:37, 785 ნახვა
რეგიონი
დაპირისპირება ფოთში - ხანძრის შედეგად დაზარალებულმა მოვაჭრეებმა ცენტრალური გზა გადაკეტეს
ფოთის სავაჭრო ცენტრში ხანძრის შედეგად დაზარალებულმა მოვაჭრეებმა საპროტესტო აქცია გამართეს და ქალაქში შესასვლელი ცენტრალური გზა გადაკეტეს.
ისინი ხელისუფლებისგან და ბაზრის ადმინისტრაციისგან ფულად კომპენსაციას ითხოვენ.
სამართალდამცველებმა აქციის მონაწილეებს გზის გახსნისკენ მოუწოდეს, რასაც დაპირისპირება მოჰყვა. ამასთან, აქციის რამდენიმე მონაწილე შეუძლოდ გახდა, რის გამოც სასწრაფო სამედიცინო დახმარების ბრიგადა გამოიძახეს.
ცენტრალური მაგისტრალი ამ დროისთვის გახსნილია.
როგორც დაზარალებულები აცხადებენ, მათი მოთხოვნების შეუსრულებლობის შემთხვევაში, აქციები გაგრძელდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
