2015-04-22 12:59:48, 339 ნახვა

---

დავით ბაქრაძე: ბელარუსის პრეზიდენტის პირველი ასეთი მაღალი დონის ვიზიტი საქართველოში ძალიან მნიშვნელოვანია

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრ დავით ბაქრაძის განცხადებით, ბელარუსის პრეზიდენტ ალექსანდრე ლუკაშენოს ვიზიტი საქართველოში ძალიან მნიშვნელოვანია.
როგორც ბაქრაძემ ჟურნალისტებს განუცხადა, ვიზიტის ფარგლებში ბევრ მნიშვნელოვან დოკუმენტს მოეწერება ხელი.
"ძალიან მნიშვნელოვანია ლუკაშენკოს ვიზიტი იქედან გამომდინარე, რომ ეს არის პირველი  ასეთი მაღალი დონის ვიზიტი 2 ქვეყანას შორის.ხელი  ეწერება ძალიან ბევრ მნიშვნელოვან დოკუმენტს ორმხრივ ფორმატში. გარდა ამისა, ბელარუსი არის აღმოსავლეთ პარტნიორობის სახელმწიფო, მალე ველოდებით აღმოსავლეთ პარტნიორობის სამიტს, ხარისხი ჩართულობისა, ხარისხი ინტეგრაციისა  განსხვავებულია სხვადასხვა სახელმწიფოებში, მაგრამ სამეზობლო პოლიტიკის თვალსაზრისით,  ჩვენ ზოგიერთ  საკითხებში გვაქვს საერთო გამოწვევები და მისწრაფებები",-განაცხადა დავით ბაქრაძემ.
ბელარუსის პრეზიდენტი საქართველოს დღეს საღამოს ეწვევა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი