„არ შეიძლება  უსაფრთხოება დავიცვათ ადამიანის უფლებების ხარჯზე, ისევე როგორც არ შეიძლება ადამიანის უფლებები დავიცავთ უსაფრთხოების ხარჯზე“,-ამის შესახებ ადამიანის უფლებათა დაცვის კომიტეტის თავმჯდომარემ სოფო კილაძემ „მოსმენების კანონპროექტთან“ დაკავშირებით პარლამენტის პლენარულ სხდომაზე განაცხადა.

როგორც კილაძემ აღნიშნა, წარმოდგენილი კანონპროექტი დასავლურ სტანდარტებთან შესაბამისობაშია.

„ის კოლოსალური სამუშაო, რომელიც გასწია იმ ჯგუფმა, რომელსაც ხელმძღვანელობდა ქალბატონი ეკა, სწორედ ამ სამუშაომ მოგვცა სწორედ ის პროდუქტი, რომელიც დღეს აქ იქნა წარმოდგენილი.  მე ვფიქრობ სწორედ ეს არის ის ოქროს შუალედი, რომელზედაც ჩვენ ძალიან დიდი ხანია ვსაუბრობთ. რაც მთავარია ეს ყველაფერი შეესაბამება დასავლურ სტანდარტებს.  მე ვერ მოვისმინე ვერცერთი არგუმენტი სიმართლე გითხრათ ვერც ოპოზიციის მხრიდან, ვერც არასამთავრობო სექტორის მხრიდან, რომელიც შეეწინააღმდეგებოდა ამ არგუმენტებს და რომელიც იტყოდა, რომ „ჩვენი ეს წარმოდგენილი პროექტი არ შეესაბამება იმ სტანდარტებს, რომელი სტანდარტებიც არის ჩვენს დასავლელ მეგობრებთან“.  თქვენ ეს ძალიან კარგად იცით ძვირფასო ოპოზიცია, მაგრამ რაშია  საქმე რომ გვეწინააღმდეგებით ასე ყველაფერში. ეს არის ისეთი საკითხი, სადაც ერთსულოვანი უნდა ვიყოთ ყველა. თქვენც ასე უნდა გაღელვებდეთ ჩვენი ქვეყნის უსაფრთხოება  და უფლებებიც, როგორც ჩვენ გვაღელვებს, მაგრამ მე ეჭვი მაქვს, რომ თქვენ სხვა პოლიტიკური მოტივები გამოძრავებთ. მე ვფიქრობ, რომ თქვენ ცდილობთ გადაიტანოთ არსებითი საკითხებიდან საზოგადოების ყურადღება არარსებულ საკითხზე“,-განაცხადა სოფო კილაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო