საპარლამენტო უმრავლესობის წევრის არჩილ თალაკვაძის შეფასებით, ე.წ კაბელების საქმის შედეგი დემოკრატიული ქვეყნის მახასიათებელია.

როგორც თალაკვაძემ განმარტა, განსხვავებული პოზიციების მქონე ინსტიტუტებმა საკუთარი როლი შეასრულეს, მათ შორის პრეზიდენტმა თავისი უფლებამოსილების ფარგლებში.

„პრეზიდენტის გადაწყვეტილება პოლიტიკური იყო თუ არა, ამას არსებითი მნიშვნელობა არ აქვს. არსებითი მნიშვნელობა ალბათ ორ რამეს აქვს - ეს გადაწყვეტილება როგორ აისახა კონკრეტულად ამ ადამიანების ცხოვრებაზე. ფაქტია, რომ ისინი სახლებში დაბრუნდნენ, რაც სასიხარულოა მათი ოჯახებისთვის და ახლობლებისთვის. მეორე, საზოგადოება მომსწრე იყო მთელი იმ სასამართლო პროცესების, მსჯელობის და ეს იყო ღია პროცესი. ყველამ თავისი პოზიცია დააფიქსირა. შესაბამისად, სასამართლო პროცესებში ვერ დავინახე ის, რომ მხარეებს საკუთარი პოზიციების დასაბუთების გატანის, მსჯელობის პრობლემა ჰქონოდათ. მედიის ინტერესიც ამ საქმეებთან დაკავშირებით საკმაოდ მაღალი იყო და ვფიქრობ, მივიღეთ ისეთი შედეგი, როგორიც მივიღეთ”, - განაცხადა თალაკვაძემ.

ცნობისთვის, ე.წ კაბელების საქმეზე მსჯავრდებულები პრეზიდენტმა გიორგი მარგველაშვილმა გუშინ შეიწყალა. მათ საპატიმრო უკვე დატოვეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო