ევროსაბჭო თურქეთს სახელმწიფო გადატრიალების მცდელობის გამოძიებაში დაეხმარება, - ამის შესახებ ევროსაბჭოს გენერალურმა მდივანმა ტურბიორნ იაგლანდმა გერმანულ გამოცემა Die Welt-თან საუბრისას განაცხადა.

იაგლანდის თქმით, ექსპერტები უახლოეს დღეებში თურქეთის ხელისუფლებას შეხვდებიან. 

“ევროსაბჭოს ექსპერტები უახლოეს დღეებში შეხვდებიან თურქეთის ხელისუფლებას, რომ გამართონ კონსულტაციები იმასთან დაკავშირებით, თუ როგორ უნდა დაიცვან ამბოხის მცდელობასთან კავშირში ბრალდებულთა უფლებები”, - განაცხადა იაგლანდმა ინტერვიუში.

მისივე განმარტებით, ეს იმისთვისაა საჭირო, რომ თურქეთში სასამართლო პროცესები ევროპულ სტანდარტებს შეესაბამებოდეს.

ამასთან, ევროსაბჭოს გენერალურმა მდივანმა ევროპულ ქვეყნებს თურქეთში სახელმწიფო გადატრიალების მცდელობასთან დაკავშირებით თავშეკავებული რეაქციებისკენ მოუწოდა.

“პოლიტიკური რიტორიკის ნაცვლად, ჩვენ ევროპაში კონცენტრირება უნდა მოვახდინოთ  არსებული პრობლემების მოგვარებაზე. ჩვენ უნდა თურქეთს ვესაუბროთ და არა თურქეთის შესახებ ვისაუბროთ”, - განაცხადა იაგლანდმა.

ცნობისთვის, თურქეთი ევროსაბჭოს წევრი 1950 წლიდანაა

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი