საფრანგეთის ყოფილი პრეზიდენტი, ნიკოლა სარკოზი პირობას დებს, რომ 2017 წლის საპრეზიდენტო არჩევნებში გამარჯვების შემთხვევაში, მთელი ქვეყნის მასშტაბით ბურკინის ტარება აიკრძალება, - ამის შესახებ ინფორმაციას სააგენტო Reuters ავრცელებს.

როგორც სარკოზიმ აღნიშნა, ის არ დაუშვებს, რომ საფრანგეთის სანაპიროებზე და აუზებზე ბურკინით იარონ.

"კანონი მას მთელი ქვეყნის მასშტაბით აკრძალავს ", - განაცხადა სარკოზიმ.

თავის გამოსვლაში მან ხაზგასმით აღნიშნა, რომ მოქალაქეთა უსაფრთხოებაზე იზრუნებს. ამასთანავე, სარკოზიმ პირობა დადო, რომ  აღნიშნული გადაწყვეტილების მიუხედავად, ფრანგებს აუცილებლად დაიცავს.

"მე ვიქნები პრეზიდენტი, რომელიც სახელმწიფოს აღადგენს", - განაცხადა მან.

ცნობისთვის, აღნიშნულის შესახებ მან 25 აგვისტოს, პროვანსის რეგიონში, საარჩევნო კამპანიის ფარგლებში გამართული პირველი შეხვედრისას განაცხადა.

მანამდე, საკურორტო ქალაქ ნიცაში ბურკინის, ქალების ისლამური საცურაო კოსტიუმის ტარება აიკრძალა. 

აღსანიშნავია, რომ ანალოგიური გადაწყვეტილება საფრანგეთში უკვე 15 ქალაქში მიიღეს, მათ შორის ქალაქ კანში, სადაც ბოლო კვირის განმავლობაში, ისლამური საცურაო კოსტიუმის ტარებისთვის უკვე 3 ქალი 38 ევროთი დააჯარიმეს.

ნიცას მერმა კრისტიან ესტროსიმ საფრანგეთის პრემიერმინისტრს უკვე მისწერა წერილი, სადაც აღნიშნულია, რომ "სახის დამალვა, ან მთლიანი სხეულის დაფარვა საცურაო კოსტიუმით სანაპიროზე ჩვენს საზოგადოებრივ ცხოვრების იდეალებს არ შეესაბამება".

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი