გერმანელმა სამხედროებმა შესაძლოა, თურქეთში მდებარე ინჯირლიკის ავიაბაზა დატოვონ, ამის შესახებ ინფორმაციას გერმანული გამოცემა Der Spiegel-ი ავრცელებს. 

მედიის ცნობით, გერმანიაში განიხილავენ ინჯირლიკის ბაზიდან 250 ჯარისკაცის, ასევე სამხედრო თვითმფრინავებისა და ტექნიკის გაყვანის საკითხს.

როგორც გერმანიის თავდაცვის სამინისტროს წარმომადგენელი ამბობს, უწყებას თურქეთში მისიის გაგრძელება სურს, თუმცა “ინჯირლიკის ბაზის ალტერნატივებიც არსებობს”.

გამოცემა Der Spiegel-ის ინფორმაციით, ალტერნატიულ ვარიანტად გერმანია თავისი კონტინგენტის იორდანიაში ან კვიპროსზე მდებარე ბაზაზე განთავსებას განიხილავს.

სამხედრო თვითმფრინავებისა და ტექნიკის დისლოკაციის ადგილის შეცვლამ შესაძლოა, გერმანია აიძულოს, სირიისა და ერაყის თავზე სადაზვერვო ფრენები სულ მცირე ორი თვით შეწყვიტოს. ამას გარდა, გამოცემის მტკიცებით, იორდანიასა და კვიპროსში თვითმფრინავების ტექნიკური მომსახურება  უფრო ძვირი და რთულია, ვიდრე თურქეთში.

ივნისში თურქეთმა გერმანიიდან ელჩი გაიწვია მას შემდეგ, რაც ბუნდესტაგმა ოსმალეთის იმპერიაში სომეხთა გენოციდის აღიარების შესახებ რეზოლუცია მიიღო. ივლისში კი თურქეთის ხელისუფლებამ გერმანიის დელეგაცია ინჯირლიკის ბაზაზე არ შეუშვა.

თურქეთის სამხრეთ ნაწილში მდებარე ინჯირლიკის ავიაბაზას ნატო-ს წევრები სირიასა და ერაყში “ისლამური სახელმწიფოს” წინააღმდეგ საჰაერო დარტყმებისთვის იყენებენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი