2016-05-28 10:40:10, 1236 ნახვა
მსოფლიო
უკრაინის პრეზიდენტმა თავის შტატგარეშე მრჩევლად ანდერს ფოგ რასმუსენი დანიშნა
უკრაინის პრეზიდენტმა პეტრო პოროშენკომ თავის შტატგარეშე მრჩევლად ნატო-ს ყოფილი გენერალური მდივანი, ანდერს ფოგ რასმუსენი დანიშნა, - ამის შესახებ რუსული მედია უკრაინის პრეზიდენტის ოფიციალურ ვებ გვერდზე დაყრდნობით იუწყება.
პოროშენკოს ამ გადაწყვეტილებას რუსეთის სახელმწიფო დუმა უკვე გამოეხმაურა. ოფიციალური მოსკოვის თქმით, ეს მტრული ნაბიჯია.
ცნობისთვის, ანდერს ფოგ რასმუსენი ნატო-ს გენერალური მდივნის პოსტს 2009 წლიდან 2014 წლის აგვისტომდე იკავებდა. ამასთან, 2001 წლიდან 2009 წლამდე დანიის მთავრობას ხელმძღვანელობდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
