მიმდინარე წლის პირველ ნახევარში საქართველოში 13 409 მართვის მოწმობა გაიცა. კერძოდ, შინაგან საქმეთა სამინისტროს წინასწარი სტატისტიკის მიხედვით, მიმდინარე წლის პირველ 3 თვეში მართვის მოწმობა 6 148 ადამიანმა მიიღო; მეორე კვარტალში 7 261 მართვის მოწმობა გაიცა.

გარდა ამისა, შინაგან საქმეთა სამინისტროს მონაცემებით, მიმდინარე წლის პირველი 6 თვის განმავლობაში 18 წლამდე ასაკის 2 684 პირმა მიიღო მართვის მოწმობა. ეს ნიშნავს, რომ წელს დაახლოებით ყოველი ხუთი მართვის მოწმობიდან ერთი 18 წლამდე ასაკის პირზე გაიცა. იგივე მონაცემები აჩვენებს, რომ მიმდინარე წლის პირველ ნახევარში გაცემული მართვის მოწმობების 20% არასრულწლოვნებზე გაიცა.

კერძოდ, 2025 წლის იანვარ-მარტში, მართვის მოწმობა 18 წლამდე ასაკის 1364 პირმა მიიღო, რომელთაგან 16 16 წლის იყო, ხოლო 1348 - 17 წლის.

რაც შეეხება აპრილსა და ივნისს, მეორე კვარტალში ავტომობილის მართვის უფლება 18 წლამდე ასაკის 1320 პირმა მიიღო, რომელთაგან 28 16 წლის იყო, ხოლო 1292 - 17 წლის.

ასევე აღსანიშნავია, რომ საავტომობილო საშუალებების მართვის სააგენტოს ბოლო მონაცემებით, ქვეყანაში მართვის მოწმობის მფლობელთა საერთო რაოდენობა 1,674,073-ს შეადგენს.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო