პირადი ცხოვრების  შემცველი კადრების უკანონოდ მოპოვება-გავრცელების საქმეზე დაკავებულის ზურაბ ჯამალაშვილის ადვოკატის, გიორგი ფოფხაძის განცხადებით, ჯამალაშვილის სახლიდან არ ამოუღიათ დისკები,  ე.წ.  ფლეშკები და კომპიუტერი, სადაც მტკიცდება, რომ  მას  ე.წ. პირადი  ცხოვრების ამსახველი ინფორმაცია ჰქონდა.

"არანაირი მასალა, მტკიცებულება არ არსებობს. პროკურორმა გითხრათ, რომ ჩხრეკისას იქნა ამოღებული სხვადასხვა დისკები,  ე.წ.  ფლეშკები და კომპიუტერი, სადაც მტკიცდება, რომ  ზურაბ ჯამალაშვილს ჰქონდა ე.წ. პირადი  ცხოვრების ამსახველი ინფორმაცია. სიცრუეა,  არ ყოფილა ასეთი ამოღებული. საქმეში არ არსებობს ასეთი მტკიცებულება.  ზურაბ ჯამალაშვილის  საცხოვრებელი  სახლიდან,  ან პირადი ჩხრეკისას არ ყოფილა რაიმე ინფორმაცია ამოღებული", - განაცხადა გიორგი ფოფხაძემ.

შეგახსენებთ, პროკურორ  ლაშა კოტრიძის განცხადებით, დაკავების მომენტში ჩხრეკის შედეგად ჯამალაშვილის სახლიდან ამოღებილია ლეპტოპი, ლაზერული დისკები და მეხსიერების ბარათები, რომელზეც დანიშნულია ექსპერტიზა, რის შემდეგაც გაირკვევა, იყო თუ არა მასზე რაიმე პირადი ცხოვრების შემცველი  ინფორმაცია განთავსებული.

ცნობისთვის, პირადი ცხოვრების შემცველი უკანონო ფარული კადრების საქმეზე დაკავებულებს - ზურაბ ჯამალაშვილსა და ირაკლი ფხალაძეს დღეს წინასწარი პატიმრობა შეეფარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal