2025-05-06 18:17:53, 800 ნახვა
მსოფლიო
გერმანიის კანცლერად ფრიდრიხ მერცი აირჩიეს
ფრიდრიხ მერცი გერმანიის კანცლერი გახდა.
გერმანიის კანცლერობის კანდიდატმა, ფრიდრიხ მერცმა ბუნდესტაგში გამართულ მეორე კენჭისყრაზე კანცლერობისთვის საჭირო ხმათა რაოდენობა მიიღო.
მერცის კანდიდატურას მხარი 325-მა დეპუტატმა დაუჭირა, ხოლო მის წინააღმდეგ ხმა 289-მ მისცა.
შეგახსენებთ, დღეს, გერმანიის პარლამენტმა ხმის მიცემის პირველ ტურში ფრიდრიხ მერცი კანცლერად ვერ აირჩია. „ქრისტიან-დემოკრატიული კავშირის“ ლიდერის, ფრიდრიხ მერცის კანდიდატურას გერმანიის პარლამენტის ქვედა პალატაში ჩატარებული კენჭისყრის პირველ ტურში მხარი 310-მა დეპუტატმა დაუჭირა, ხოლო მას ბუნდესტაგის წევრების უმრავლესობის, 316 დეპუტატის ხმა სჭირდებოდა.
ავტორი: ექსპრესნიუსი,
epn.ge (@expressnews.ge)
