სლოვაკეთის პრემიერ-მინისტრის, რობერტ ფიცოს განცხადებით, 9 მაისს, მეორე მსოფლიო ომში გამარჯვების 80 წლისთავისადმი მიძღვნილ საზეიმო აღლუმზე დასასწრებად მოსკოვში გამგზავრებას გეგმავს.

გამოცემა „დოიჩე ველეს“ ინფორმაციით, ამის შესახებ ფიცომ დღეს გამართულ პრესკონფერენციაზე განაცხადა.

„ვაპირებ 80 წლის იუბილეზე წასვლას და წერტილი“, - აღნიშნა ფიცომ.

ამასთან, სლოვაკეთის პრემიერმა გააკრიტიკა უკრაინის პრეზიდენტი, ვოლოდიმირ ზელენსკი, რომელმაც განაცხადა, რომ უკრაინა 9 მაისს მოსკოვში სხვა ქვეყნების წარმომადგენლების უსაფრთხოებას ვერ უზრუნველყოფს.

„დიდი უპატივცემულობაა, როდესაც ვინმე ეუბნება ქვეყანას, რომელმაც ყველაზე მეტი წვლილი შეიტანა ფაშიზმზე გამარჯვებაში და ყველაზე მეტი დანაკარგი განიცადა: იზეიმეთ, შეგვიძლია დრონი ჩამოგიგდოთ. ამის ადგილი თანამედროვე პოლიტიკაში არ არის“, - განაცხადა სლოვაკეთის პრემიერ-მინისტრმა.

მედიის ინფორმაციით, მოსალოდნელია, რომ ფიცოს გარდა 9 მაისის აღლუმს დაესწრებიან : სერბეთის პრეზიდენტი ალექსანდრ ვუჩიჩი, ბელარუსის ლიდერი ალექსანდრე ლუკაშენკო, ბრაზილიის პრეზიდენტი ლუის ინასიუ ლულა და სილვა, კუბის პრეზიდენტი მიგელ დიას-კანელი, ბურკინა ფასოს პრეზიდენტი იბრაჰიმ ტრაორე, ვენესუელის პრეზიდენტი ნიკოლას მადურო და ჩინეთის პრეზიდენტი სი ძინპინი.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი