რუსეთი დაეხმარება თალიბებს ტერორიზმის წინააღმდეგ ბრძოლაში, – ამის შესახებ ავღანეთის საკითხებში რუსეთის პრეზიდენტის, ვლადიმერ პუტინის სპეციალურმა წარმომადგენელმა, ზამირ კაბულოვმა „რია ნოვოსტისთან“ ინტერვიუში განაცხადა.

ინტერვიუში რუსეთის პრეზიდენტის წარმომადგენელმა ტერორისტული დაჯგუფების „ისლამური სახელმწიფოს“ მოსკოვისა და ქაბულის საერთო მტერი უწოდა.

„ვხედავთ და ვაფასებთ იმ ძალისხმევას, რომელსაც თალიბები მიმართავენ „ისლამური სახელმწიფოს“ ავღანური ფრთის წინააღმდეგ ბრძოლაში. ეს დაჯგუფება რუსეთისთვის და ავღანეთისთვის საერთო მტერია და ჩვენ ყველა შესაძლო დახმარებას გავუწევთ ამ ქვეყნის ხელისუფლებას პროფილური სტრუქტურების ხაზებით“, – აღნიშნა კაბულოვმა.

ცნობისთვის, მაისის შუა რიცხვებში ყაზანის ფორუმის ფარგლებში რუსეთი და ავღანეთი განიხილავენ წიაღისეულის მოპოვების კუთხით თანამშრომლობასა და ავღანეთის ტერიტორიის გავლით ცენტრალურ და სამხრეთ აზიაში ენერგორესურსების ტრანზიტის პერსპექტივას.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი