დაბა ქედაში რუსთაველის ქუჩა N13 და 15-ში მდებარე ტერიტორიაზე ადაპტირებული და თანამედროვე სტანდარტებით აღჭურვილი ახალი პარკის მშენებლობა მიმდინარეობს. აღნიშნულის შესახებ ინფორმაციას ქედის მუნიციპალიტეტის მერია ავრცელებს

მერიის ცნობით, სამშენებლო სამუშაოები მუნიციპალიტეტის მერმა როლანდ ბერიძემ, პირველ მოადგილესთან იმედა ვასაძესთან და ქედის ადმინისტრაციული ერთეულის წარმომადგენელთან ნაზიმ ჩხეიძესთან ერთად ადგილზე მოინახულა.

„პროექტის ფარგლებში მოეწყობა: თანამედროვე ტიპის დეკორაციული სანათები, გამწვანდება უცხოური ჯიშის და დეკორატიული ხემცენარეებით. დამონტაჟდება ბავშვებისთვის გასართობი ატრაქციონები და ტრენაჟორები, ასევე სასეირნო და ველობილიკები, დასასვენებელი ფანჩატურები, ტენისის მაგიდები, კალათბურთის და ფეხბურთის მინი მოედანი.

მნიშვნელოვანია, რომ პარკი სრულად იქნება ადაპტირებული შშმ პირებისათვის, როგორც დასასვენებელი და სასეირნო ბილიკები, ასევე მოეწყობა ეტლით მოსარგებლე პირებისათვის ადაფტირებული საქანელა.

დაბაში შეიქმნება კიდევ ერთი თანამედროვე ტიპის, ყველა სეგმენტზე გათვლილი დასასვენებელი და გასართობი პარკი, რომელიც მიმზიდველი და კომფორტული იქნება როგორც ადგილობრივი მოქალაქეებისათვის ასევე, ტურისტებისთვის.

სამუშაოებს სამშენებლო კომპანია შპს ,,მ.მ" აწარმოებს, ხელშეკრულებით - 998 676 ლარი“,-აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო