ბაკურიანში ტურისტული ინფრასტრუქტურის განვითარება იწყება. ამის შესახებ თანამშრომლობის მემორანდუმი სახელმწიფო და კერძო სექტორს შორის სასტუმრო “რედისონში“  გაფორმდა.

მემორანდუმს ხელი მოაწერეს საქართველოს ეკონომიკის სამინისტროს,  „სახელმწიფო ქონების ეროვნული სააგენტოს“, „მთის კურორტების განვითარების კომპანიისა“ და „საქართველოს რეკონსტრუქციისა და განვითარების კომპანიაში: შემავალი „ახალი მიტარბის“ წარმომადგენლებმა.

მემორანდუმის მიხედვით, კოხტასა და მიტარბის საბაგიროების მშენებლობის პროექტს საქართველოს მთავრობა 48 მილიონი ლარით დააფინანსებს, „საქართველოს რეკონსტრუქციისა და განვითარების კომპანია“ კი 70 მილიონი ლარის ინვესტიციას განახორციელებს უძრავი ქონების ნაწილში, რაც ერთ-ერთი მსხვილი ინვესტიცია იქნება სამთო ტურიზმის აღორძინების კუთხით.

ეკონომიკის მინისტრის, გიორგი კვირიკაშვილის შეფასებით, მნიშვნელოვანია, რომ პროექტი საქართველოში ახლადდანერგილი მოდელის, სახელმწიფოსა და კერძო სექტორის პარტნიორობის პრინციპით განხორციელდება, რაც საბაზრო ეკონომიკის განვითარების აუცილებელ პირობას წარმოადგენს.

თიბისი ჯგუფის დამფუძნებელმა, მამუკა ხაზარაძემ, ამ პროექტში სახელმწიფოსა და კერძო სექტორის თანამშრომლობას უპრეცედენტო მოვლენა უწოდა. „ეს არის ახალი სიტყვა ქართული ტურიზმის განვითარებაში. პროექტის დასრულების შემდეგ ჩვენ მივიღებთ უმაღლესი სტანდარტის სამთო-სათხილამურო კურორტს, როგორიც მაგალითად ავსტრიაში, საფრანგეთსა და შვეიცარიაში გვინახავს. მნიშვნელოვანია, რომ ყველა შენობა-ნაგებობა აშენდება ძალიან მკაცრი გენერალური გეგმის მიხედვით, უმაღლესი ხარისხის სამშენებლო მასალით და რაც ასევე მნიშვნელოვანია, ექნება დახვეწილი არქიტექტურა. ეს პროექტი  მაგალითის მიმცემი იქნება სხვებისთვისაც, რომ ამ რეგიონში გაგრძელდეს ტურისტული ინფრასტრუქტურის განვითარება და მიმზიდველი საინვესტიციო გარემოს შექმნა. ეს კი, თვის მხრივ, უზრუნველყოფს დამატებითი სამუშაო ადგილების შექმნას და ადგილობრივი მცირე ბიზნესის წახალისებას,“ - განაცხადა მამუკა ხაზარაძემ.

მისივე თქმით, „ევროპის რეკონსტრუქციისა და განვითრების კომპანიის“ მოწვევით, პროექტის გენერალურ გეგმაზე იმუშავებს ცნობილი კანადური კომპანია, თავად პროექტი კი ქართულ კომპანია architects.ge ს ეკუთვნის.

საბაგიროების მშენებლობას განახორციელებს სამთო-სათხილამურო ინფრასტრუქტურის განვითარების მიმართულებით მსოფლიოში ერთ-ერთი წამყვანი ავსტრიული კომპანია - „დოპელმაიერი“.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი