დღეს, ბათუმის რაგბის სტადიონზე აჭარაში სარაგბო კლუბის დაარსების 27 წლისთავისადმი მიძღვნილი ღონისძიება ჩატარდა, რომლის ფარგლებში ვეტერანმა რაგბისტებმა ამხანაგური თამაში გამართეს.

ღონისძიებას აჭარის მთავრობის თავმჯდომარე ზურაბ პატარაძე, აღმასრულებელი და საკანონმდებლო ხელისუფლების წარმომადგენლები დაესწრნენ.

ზურაბ პატარაძემ აჭარის რაგბის კავშირის პრეზიდენტთან ზვიად უნგიაძესთან ერთად რეგიონში მოღვაწე ვეტერანი რაგბისტები  დააჯილდოვა. აჭარის მთავრობის თავმჯდომარემ  მადლობა გადაუხადა ვეტერან და ახალგაზრდა სპორტსმენებს რეგიონში რაგბის განვითარებაში მიღებული მონაწილეობისათვის, ასევე „ქართუ ჯგუფს", რომელსაც უდიდესი წვლილი მიუძღვის ქალაქ ბათუმის თანამედროვე სტანდარტების სარაგბო კომპლექსის შექმნასა და ქვეყანაში რაგბის პოპულარიზაციის საქმეში.

დღესვე, ბათუმის "რაგბი არენაზე" საქართველოს ვიცე-ჩემპიონი „ბათუმი", ევროპული რაგბის "კონტინენტის ფარის" ჯგუფური ეტაპის დასკვნით ტურში რუმინეთის ჩემპიონ "ტიმიშოარა-სარასენსს" უმასპინძლებს. ზურაბ პატარაძემ მნიშვნელოვანი მატჩის წინ „ბათუმის" რაგბისტები მოინახულა, გაამხნევა და წარმატებები უსურვა.

(NS)

ავტორი: ,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი