აჭარის ჯანდაცვის მინისტრი ზაალ მიქელაძე, ქობულეთის მუნიციპალიტეტში, ფაშიზმზე გამარჯვების დღისადმი მიძღვნილ ღონისძიებებს დაესწრო.

მინისტრმა მუნიციპალიტეტის გამგეობის წარმომადგენლებთან და საქართველოს პარლამენტში მაჟორიტარ დეპუტატ კობა ნაკაიძესთან ერთად ფიჭვნარის „ძმათა სასაფლაო“ და დაბა ოჩხამურში, დიდ სამამულო ომში დაღუპულთა მემეორიალი ყვავილებით შეამკო და მათ ხსოვნას პატივი მიაგო.

აჭარის ჯანდაცვის მინისტრის მოადგილემ ზურაბ თენიეშვილმა, 9 მაისს დაღუპულთა ხსოვნას პატივი, აჭარის მთავრობის, ბათუმის მერიის, უმაღლესი საბჭოს, საზღვაო აკადემიის წარმომადგენლებთან ერთად გმირთა ხეივანში მიაგო. ადგილზე შეკრებილნი იყვნენ მეორე მსოფლიო ომის ვეტერანებიც.

ამჟამად ბათუმში მეორე მსოფლიო ომის 26 ვეტერანი და ომში დაღუპული 18 ოჯახი ცხოვრობს. ომში დაღუპულთა ოჯახის წევრები მერიისგან ერთჯერადი მატერიალური დახმარების სახით ფულად დახმარებას ღებულობენ.

72 წლის წინ, 1945 წლის 9 მაისს მეორე მსოფლიო ომი დასრულდა. მოკავშირეებმა ფაშისტური გერმანია დაამარცხეს. მეორე მსოფლიო ომი ისტორიაში შევიდა როგორც ყველაზე მასშტაბური და სისხლისმღვრელი კონფლიქტი. მას დაახლოებით 60 მილიონი ადამიანი შეეწირა, აქედან 20 მილიონი მშვიდობიანი მოსახლეობა იყო. ომში 72 სახელმწიფო მონაწილეობდა, ბრძოლები კი 40 სახელმწიფოს ტერიტორიაზე მიმდინარეობდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება

ვაჟა-ფშაველას გამზირზე საგზაო მოძრაობა დროებით შეიზღუდება

ეკონომიკის სამინისტრო - საჰაერო სივრცეში შემზღუდველი ზონის შემოღება ემსახურება სამეცნიერო ობსერვატორიის მიზნებს

ახალგორის რაიონში გადაადგილების საშვების გაცემა განახლდა - DRI