„მთელი ბონლისის რაიონი „RMG Gold“–ის მუშაობაზეა დამოკიდებული“, –ამის შესახებ პრემიერ–მინისტრმა ირაკლი ღარიბაშვილმა მარნეულში ბიზნესმენებთან შევხედრისას განაცხადა. 

მისივე თქმით, ამ კომპანიას 3000 ოჯახი ჰყავს დასაქმებული. 

„2012 წელს ბოლნისის რაიონს 20 მილიონი ლარის შემოსავალი ჰქონდა. გასულ წელს მთლიანად ჩვენმა ცენტრალურმა ბიუჯეტმა  დააფინანსა ეს  რაიონი, რადგან კომპანია აბსოლიტურად პარალიზებული იყო. სამუშაოები გაჩერებული იყო. 3000 ოჯახის შენახვას  მილიონობით ლარი სჭირდება“, – აღნიშნა ღარიბაშვილმა. 

 პრემიერის შეფასებით, ვინც კომპანია „RMG Gold“–ის მუშაობის წინააღმდეგია, უპასუხისმგებლოები არიან. 

„მე მაინტერესებს, ამ ადამიანებს, თუ აქვთ გააზრებული,  რამხელა პასუხისმგებლობას იღებენ საკუთარ თავზე?! რა თქმა უნდა მათ არც პასუხისმგებლობა არ გააჩნიათ, არც გააზრებული აქვთ ის რისკი, რომლის წინაშეც ეს 3000 ოჯახი დგას. ეს არის ყოვლად უპასუხისმებლო  და ანტისახელმწიფოებრივი დამოკიდებულება, ჩვენი მოქალაქეების წინააღმდეგ მიმართული ქმედება“, – განაცხადა ღარიბაშვილმა. 

მისივე თქმით, ის რაც ბოლნისის საწარმოსთან მიმართებაში მოხდა, ამით სამართალდამცავი ორგანოები უნდა დაინტერესდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი