„მოხარული ვარ იმ ფაქტით, რომ  ჩვენი გუნდი სისტემურად უდგება საქართველოს კონსტიტუციის გადახედვის საკითხს, რაც არ იყო წინა ხელისუფლების პირობებში“, - ასე გამოეხმაურა უმრავლესობის წარმომადგენელი სოფიო კილაძე  პარლამენტის რიგგარეშე სხდომაზე საკონსტიტუციო კომისიის შექმნის საკითხს. 

დეპუტატის თქმით, ქვეყნის ძირითად კანონში ბალანსი ერთხელ და სამუდამოდ უნდა იყოს დაცული.  

 „რაც შეეხება წარმომადგენლობის საკითხს, ნამდვილად ვერ გავიზიარებ ზოგიერთის მოსაზრებას  იმასთან დაკავშირებით, რომ თითქოს საკონსტიტუციო კომისია არ არის წარმომადგენლობითი. 
პირიქით, მათ შორის პრეზიდენტის ადმინისტრაციის წარმომადგენლებს აქვთ როგორც ფაქტობრივი ასევე ფორმალური შეთავაზება იმასთან დაკავშირებით, რომ პრეზიდენტის ადმინისტრაციას დღესაც კი შეუძლია მთლიანად ჩაერთოს და ნაყოფიერად იმუშაოს ჩვენთან ერთად. თვითონ განაცხადეს უარი და შესაბამისად ნებისმიერ დროს ჩვენი კარი ღია არის მათთვის. ძალიან მნიშნელოვანი საკითხია მთლიანად შემადგენლობა საკონსტიტუციო კომისიის შემადგენლობის,ჩვენ უზრუნველვყავით ის, რომ არამხოლოდ უმრავლესობა იყოს წარმოდგენილი, არამედ ოპოზიციაც  ძალიან კარგად იყოს წარმოდგენილი კომისიის მუშაობაში. იყოს ასევე სამოქალაქო საზოგადოება ფართოთ წარმოდგენილი და ასევე ექსპერტები. შესაბამისად ძალიან მნიშნელოვანია ის კონფიგურაცია, რომელიც შეიქმნა საკონსტიტუციო კომისიის ფარგლებში. ყველაფერს გავაკეთებთ იმისათვის, რომ ეს წარმოდგენილი პროექტი ძალიან მჭიდრო ვადებში მზად იყოს და ყველა შესაბამისი დაინტერესებული პირი იყოს ჩართული“, - განაცხადა კილაძემ.

შეგახსენებთ, რომ სახელმწიფო საკონსტიტუციო კომისიის თავმჯდომარე ირაკლი კობახიძეა და კომისიამ პირველი სხდომა 24 დეკემბერს ჩაატარა. ცნობისთვის, პრეზიდენტის ინიციატივით კომისიას 3 ტანათავმჯდომარე: პრეზიდენტი, პრემიერ-მინისტრი და პარლამენტის თავმჯდომარე უნდა ჰყოლოდა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო