ვლადიმერ პუტინი: რუსეთის საზღვრები არსად მთავრდება

2016-11-25 11:34:17, 952 ნახვა

სხვადასხვა

ვლადიმერ პუტინის თქმით, რუსეთის საზღვრები არსად მთავრდება, - ამის შესახებ რუსეთის პრეზიდენტმა რუსული გეოგრაფიული საზოგადოების მიერ გამართული დაჯილდოების ცერემონიაზე განაცხადა.

ქვეყნის პრეზიდენტმა გამართულ ღონისძიებაზე ბავშვებს გეოგრაფიული მინი გამოცდა ჩაუტარა, რა დროსაც ბიჭს ჰკითხა, სად მთავრდება რუსეთის საზღვრები.

"რუსეთის საზღვრები მთავრდება ბერინგის სრუტეზე აშშ-სთან…“, - თქვა ბავშვმა, რა დროსაც მას პრეზიდენტმა გააწყვეტინა და აღნიშნა, რომ "რუსეთის საზღვრები არსად მთავრდება".

ვლადიმერ პუტინის ამ სიტყვებს დარბაზში სიცილი მოჰყვა, რის შემდეგაც ვლადიმერ პუტინმა აღნიშნა, რომ ეს ხუმრობა იყო.

ცნობისთვის, რუსული გეოგრაფიული საზოგადოება 1845 წელს დაარსდა. ვლადიმერ პუტინი მისი სამეურვეო საბჭოს თავმჯდომარეა.

ვიდეო

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან