პრეზიდენტის ადმინისტრაციის უფროსის მოადგილე, ეკონომიკურ საკითხებში პრეზიდენტის მრჩეველი, გიორგი აბაშიშვილი,  გიორგი მარგველაშვილის  მიერ პარლამენტის რიგგარეშე  სხდომის მოწვევას არ გამორიცხავს.
როგორც აბაშიშვილმა ჟურნალისტებს განუცხადა, მთავრობის ეკონომიკური გუნდის  წარმომადგენლები პრეზიდენტს და საზოგადოებას დაპირდნენ, რომ 5 მარტს   სავალუტო სტაბილიზაციის კონკრეტულ გეგმას წარმოადგენდნენ, რომელიც საერთაშორისო სავალუტო ფონდთან და ეროვნულ ბანკთან თანამშრომლობით  იქნებოდა შემუშავებული. აბაშიშვილის თქმით, ვადა დაირღვა და მათ გეგმა, რომელიც სავალუტო სტაბილიზაციას შეეხებოდა, არ წარმოადგინეს. მისივე განმარტებით, გეგმის წარმოდგენის კონკრეტული ვადა განსაზღვრული აღარ არის.

"იმ შემთხვევაში, თუ არსებული მოცემულობის პირობებეში მსგავსი საკითხი კვლავ დადგება, ბუნებრივია, რომ პრეზიდენტი მიიღებს გადაწყვეტილებას რიგგარეშე სხდომის მოწვევასთან დაკავშირებით. კონკრეტული ვადა განსაზღვრული აღარ არის. დასახელებული იყო 5 მარტი. შესაბამისად, ეს ვადა იყო დარღვევული. ჩვენ ვერ ვნახეთ 5 მარტს წარმოდგენილი კონკრეტული გგემა, რომელიც სავალუტო სტაბილიზაციას შეეხებოდა",-აღნიშნა გიორგი აბაშიშვილმა.

ამასთან, გიორგი აბაშიშვილის განცხადებით, უფრო სწორი იქნებოდა, მთავრობის ეკონომიკურ გუნდს გეგმა დასახელებულ დროს წარმოედგინა.

"უფრო სწორი იქნებოდა იმ შემთხვევაში რა თარიღიც იქნა მთავრობის ეკონომიკური გუნდის წევრების მიერ დასახელებული, რომ ისინი ეროვნულ ბანკთან და საერთაშორისო სავალუტო ფონდთა  თანამშრომლობით  შეიმუშავებდნენ და საზოგადოებას წარმოუდგენდნენ გეგმას,  ეს გეგმა ყოფილიყო წარმოდგენილი. ალბათ სხვა თარიღებზე საუბარი სწორი არ იქნებოდა",-განაცხადა გიორგი აბაშიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება